سن گئدین

سن گئتدین ائله بیل دونیا داغیلدی

یاز دا کؤچوب گئتدی ، یئری بوش قالدی

باهار اوره ییمی سن‌سیز قیش آلدی

من یازا وورغونام ، قیشی نئیلیره م ؟؟؟

 

عشقیمی آپاریب سن گئتدین دئمک

عشق سیز بیر کؤنول نه ییمه گره ک ؟

سویوق داشا دؤندو او گونده ن اوره ک

سینه م دن آسیلان داشی نئیلیره م ؟؟؟

 

همیشه آیریلیق، گئجه - گوندوزوک

بیریمیز تپه ییک بیریمیز دوزوک

اوستونون قاشی لا تانینار اوزوک

اوزویوم یوخدورسا ، قاشی نئیلیره م ؟؟؟

 

نیه یاشاییرام من نییه سن ‌سیز

نه یئره باخمارام ، نه گؤیه سن ‌سیز

من کی کور اولموشام هر شئیه سن ‌سیز

کور گؤزون اوستونده قاشی نئیلیره م ...