قارا گوزلر
چهارشنبه, ۱۱ تیر ۱۳۹۳، ۱۱:۰۶ ق.ظ
اوقارا گوزله ری تانری یارادیب باخماق اوچون،
اوره گه قورخو سالیب شیمشئک اولوب چاخماق اوچون،
اصیل عاشیق اودو فرهاد کیمی داغلاردا اوله،
یاکی مجنون اولوب آن چوللئره یوللانماق اوچون،
چوخلارین الدئن ایاقدان سالاجاقدیر بو پئری،
فرهادا شیرین اولوب مجنونو یاندیرماق اوچون،
بونا رغبتمی دییم یوخسا محبت نه بیلیم،
نئجه باشا سالاسان سن بونو بیر سارساغ اوچون،
کاسیبا عاشیق اولور مجنونا بیر لیلا کیمی،
باشقا گون پوللوسونا عشقینی تئز ساتماق اوچون،
خسته سن شاعر اوزان کئچدی گئجه صبح آچیلیر،
بیر نئچه حب قبول إیلئگینن یاتماق اوچون،
نقئده ر چکدی عذاب (بهمنی) دیوانییه باخ،
زامانین نزمینی بیر جاهیله قاندیرماق اوچون،
