داغلار باشی تک اورگیم شه لی دوماندی *** غم الیندن اؤلرم،گؤزلیم، گئتمه آماندی
ییرمی ایل عمر الدیم کیمسه یه عشقیم دئمدیم *** سنی او گؤرن زامان، اورگیم عشقه ایناندی
عاشیق اولدوم سنه من دلبر شیرین سخنیم *** اوزویون خالی دی زیبا، گؤزلیم قاشی کاماندی
کوی عشقینده گزردیم، تک و تنها، یالقیز *** نه بیلیدیم آخی، پروانه آیریلیق دردینه یاندی
دئمیشدیم گئدرسن، قالارام غملر ایچینده *** ایه گئدسن یاشاماخ دای منه بسدی، تامامدی
دئدیم ای نازلی نیگار،عاشیقینم، گئتمه یانیمدان *** دئدین ای سید شاعیر، دئدیغین ساده یالاندی
منی سن چؤللره سالدین، ساده بیراخدین *** او زاماننان کی گئدیب سن، کؤنوله غصه قالاندی
گئجه لر تک اوتوروب، گوشه ی میخانه یه باخدیم *** گوزلرین یادیما دوشدی، می و میخانه جالاندی
گر اون ایلدن دن سورا گؤرسن منی سن، شعر یازیرام *** بیلسن عاشیقین دونمویوب عشقیندن، هماندی
بسدی سید، نه قدر دالبادالا کلمه دوزورسن؟ *** اوکی بیلمیر، اینانمیر اورگین حالی یاماندی
شعر از شاعر ارومیه ای : مهرداد بیلماز
