گلمز
نـــدن اول بوتی پریوش داهــــــی بیر بو یانه گلــمز
مگر اول خرابه ائودن اوسانـــیب جــزانه گلمــز
نه قلیم ، ائدیم نــــه چاره ،او نـــــــگاره نازنـــینه،
بویانیـب جاهان سوزوندن. ئوزو بیرعیانه گلمــز
باشینا دؤنوم، دولانیــــم، او بویون بلاسیــن آلــــیم،
نیــیه تـــورک چشم مستین اوخو بو نشانه گلمــز
دؤشه نیب عبیر زولفون نه خوب آل یاناغین أوزره،
نییه بس او قارغی ساچین اوزانیب دابانه گلمــــز
لب لعل روح بخشین ، گلـــــــه بیر ترحــــــــم أوسته
دیریلیر بوخسته بالله!دئمه کیم کی جانه جانه گلمز
دئمه چوخ گوزلدی لیلا،نچدیــــــــر اوزون زلیــــخا،
بئلـــه بیر دلبر دلبر فسونکار داهی بو جهانه گلمز
من اونون قاداسین آللام، من اونــــــون فداسی اوللام،
او ندیـر کی یوخدو سانی،او بو سؤزدو سانه گلمز
دئسه گونده اللی مین یول بو سؤزو اگر زبانیــــــــم ،
یئنه دئر کــی بیرده سویله،یورولوب آمانه گلمـــز
منـــــی چوخدا منع قیــــــلما،بو فغان و های هویدان،
اود ایچـــینده بس أوزرلیک نه قیلار فغانه گلمـــز
چاغیرین«حسین بالا»نی اوخوسون بو خوش کلامـی
ائلـــه بیرده داهی بالله ، بئله خوش زمانه گلمـــز
سنه درد هجـــــری هجری یکسر ائدرم حکایت آمما،
قلم ألده سیز سیزیلـــدار که بو سؤز بیانه گلمــــز
هانی بس گؤرون نه اولدو، منی درد و غم توکتـــدی،
نییـــــه گلمه دی یوباندی، نه ائدیب بهانه گلمــــز
«باسار ایـــــت»هایاندا قالدی هانی فیشقریق صداسی،
نه گلیبدی خان چوبانه،کی بو قیش موغانه گلمـــز
بو سؤزو بگنمه سین ، قوی او رقیــــب نحس مشئوم،
بئله لعل و دورر مکنون، ائله چال قابانه گلمـــــز
گوجیله دگیل عزیزیم، بو شهـــــــــاب عشقدیر، عشق
که او برق نخـــــل ایمن هر اودون ییغانه گلمــــــز
قلم شکسته قدله سؤزو رشــــک د ورر نـــــــاب ائت،
ائــــــله داهی بیرده بالله،بئله خوش زمانه گلمــــــز
کـــــــــــــــئچر عرش کبریادان تــــف برق آه عاشق،
آلیشار،یانار و لاکین گؤزه بیر زبانه گلمــــــــــــــز
سر کوی یاره گئتمیش یئنه قان قان ایــــــــچون نباتی،
او بلالی عاشیق اینـــــــــــــــدی باتیب آل قانه گلمز
مریم اسم زاده