شانه دولانسین
شنبه, ۲۱ بهمن ۱۳۹۱، ۱۰:۳۵ ق.ظ
زولفونده نه لازم گوزلیم شانه دولانسین؟
قویما او حرمخانه نی بیگانه دولانسین.
عیب ایلمه کویوندا دولانسام گئجه گوندوز
شمعین گرک اطرافینه پروانه دولانسین
ساقی!دولانیم باشینا مئی جامینی گزدیر
سرمست اولوم باشیما میخانه دولانسین
اول زولفه کونول وئرمه دییر لرمنه ال چک!
اونسوز نئجه بس بو دل دیوانه دولانسین؟
مجنون نه برابر منه!صحرالره قاچدی
عشق اهلی اودور عرصه ده مردانه دولانسین
اغیاریله اوز یارینی همدم گورن عاشیق!
دوشسون او گرک دشت بیابانه دولانسین
سرخوش لیق ایله عومر ونی صرف ایلمه "واحد"
عارف اونا دئییلر کی حکیمانه دولانسین
شعر : استاد علی آقا واحد
شمعین گرک اطرافینه پروانه دولانسین"
ساغ اولون سهیل بی بو گؤزل شعیرلری پایلاشدیغینیز اوچون. یورغونلوغومو آلدی بو شعیر...