آنامین یایلیغی
آنامین یایلیغی !
آنا بیر سئوگی دی نازدی،
آنا بیر نغمه دی سازدی،
آنا باشدان باشا آنلامدی اؤرکدی،
آنامین یایلیقی بیر چنگه ایپک‌دی-
غونچادی گولدو چیچک‌دی.
،،،،
آنا دردله باریشارکن ،قووشوب درده تای اولدو،
گئجه-گوندوز چالیشارکن، وصفه سیغماز هارای اولدو،
کؤرپه‌سی آددیم آتینجا ،هرگؤنو دوز بیرآی اولدو،
دارگؤنونده باشینین یایلیقی نذر اولدو پای اولدو-
فیکره دالدیم بئله درد عاشیقی کیمدیر ...؟
آنادیر یوخسا حکیمدیر...؟
آنا کیمدیر؟ آنا کیمدیر !
آنا ائل عاشیقی ائللرده بزک‌دی
او صاباحدی ، گله‌جک‌دی .
،،،،
ائل آرا کینه عداوت یئر آلاندا،
سؤز-سؤزه باتماز اولوب قان قارالاندا،
قورخودان کؤرپه لرین باغری ساپاقدان قیریلاندا-
آنانین سون سؤزو یالنیز دانیشیقدیر،
آنا صولح عسکری یایلیق باریشیقدیر ...
آنامین یایلیقی یاردیر یاراشیقدیر .
،،،
گه‌ل دئییم بیرده ائلین شانلی گونوندن،
توی گونو برلی -بزکلی او آل-الوانلی گونوندن،
باشی یایلیقلی گلین‌لر، گلینه خونچا بزه‌رلر-
آنالار باشدا گزرلر ،
یایلیقی دینگه ووروب تویدا سوزرلر...
سؤز قوشوب ماهنی دوزرلر،
گول وئررلر گلینه ،
آنانین یایلیقین عادتدی دولارلار بئلینه .
،،،
قوی دئییم بیرده ائلین قانلی گونوندن !
کئچمیشیندن موغانین بیر قارا داستانلی گونوندن،
دوشونولمز بیری خایین چیخاراق نفسه ساتیلدی،
آدینی خان قویاراق، خالقا قاتیلدی،
اووا چیخمیشدی بی گون بایرام آییندا ،
دایاندی آرپا چاییندا-
گوردو بیر نازلی گلین قاشلاری یایدی،
نه گلین سانکی بیر آیدی،
تانریردان وئرگی دی پایدی،
دئدی بو نازلی گلین خانلارا تایدی...
،،،
باشی یایلیقلی سارای،سالدی هارای !
باغری آلیشدی ...
خانین ایرنج باخیشیندان جانا گلدی،
او سارای کی یایلیق اؤرتنده دییه‌ردین آنا گلدی...
دردی بیر-بیر سانا گلدی،
سون گوروش میدانا گلدی.
اؤزونو آرپا چاییندان آتاراق دیللره دوشدو،
ساری یایلیقلی سارای ماهنیسی محفیللره دوشودو.
اؤلکه‌یه ائللره دوشدو...
یاشادی یادداشیمیزدا،
سئوینجده گوز یاشیمیزدا-
آنا دونیا بویو سؤنمز بیر ایشیقدیر،
آنا صولح عسکری یایلیق باریشیقدیر.
شعر : استاد رسول آرانلی
در رویایی زیبا ، تو را دیدم در زیر آسمانی سبز که به بال های یک کبوتر سفید تکیه داده بودی و فرشته ای رقص کنان برایت کاسه ای از نور می آورد
صدای دف به گوش می رسید
من در حیرتی ژرف به تو نگاه می کردم که شاخه گلی را که به موهایت زده بودی به من تعارف کردی !
تمام وجودم به وجد آمد
گل را از دستت گرفتم
بوییدم و بوسیدم و بر چشم گذاشتم
بر هر گلبرگ با خطی روشن تر از پیشانی ماه نوشته شده بود : " تنها تو "