آمان قوجالیق
آخسار بیر قوجا، دوشموشدی یولا
عومورونون پیمانه سی کئدیردی دولا
یول دامارین قیچ آلتینا یغیردی
روزگاری، ایاق آتدا سخیردی
قوجالیق قددینی یامان اَیمیشدیر
خزان، رنگین اوز گوزینه سَرمیشدیر
گوردوم اونون چوروکلنیب اوز، گوزی
هجولوردی دانیشاندا هر سوزی
هر ساحتدا بیر قدمین آتیردی
گاهدان دوروب ، گاهدان گیریب یاتیردی
گزه، گزه، دولانیردی هر دیلی
آختاریردی جوانلیق دان بیر گولی
دوشوندیم کی قوجا بیر شیء ایتیرمیش
زمانه نی جان دوداقا یِئتیرمیش
دئدیم: قوجا، نه گزیرسن بو یئرده
غم یوکی گورسنیر آغاران تئلده
اوغول دئیب گوزلر قانه بولاندی
بیر آه چکیب اورک یولی سولاندی
بو چاغمدا اَلدَه ن گئدیب جوانلیق
گونلر گئچیب میدان آلیب قوجالیق
زوروم گئدیب زلیل اوُلدوم، بو گونده
قان- قان دئییر، گزیر منلن اؤلومده
دولانیرام هر گونی بو یولاری
آختاییرام هم ساغی ایلا، سولاری
تاپانمیرام ساغ لیقینان، اَمانلیق
آختاییرام جوانلیقی، جوانلیقی، جوانلیق..
ترک آذربایجان دوستومنداندیر
