آرزوم بودور بو
آرزوم نیتیم بودور آی ائللر
دونیانین اوره یی قانا دؤنمه سین
زمی ده سنبل لر ، باغچادا گل لر
بشرین چؤره یی قانا دؤنمه سین
قانا بولانماسین یئرین مرازی
هر عصرین هر ایلین نور سپن یازی
شاعرین شعری ، عاشیقین سازی
آرزوسو دیله یی قانا دؤنمه سین
قانا بولانماسین صبحون گولوشو
گؤرمویک دهشتلی ماتم گؤروشو
آتانین ساققالی ، آنانین کؤکسو
یاخاسی ، کؤینه یی قانا دؤنمه سین
قانا بولانماسین انسان ثروتی
حیاتین وارلیغی سؤزون قدرتی
مین مین جاوانلارین صاف محبتی
بویلوغو کؤینه یی قانا دؤنمه سین
آداخلی مین اولسون عدالتلی مین
داغیلسین تالانسین ائوی پیسلیغین
هئچ کیمسه نین هئچ کیمین
عمرو گله جه یی قانا دؤنمه سین
چیراغلاری یاندیرین
عرشه قالخسین توسکوسو
هر اوبادا هر ائل ده
قاناد آچسین صلح سؤزو
من آنایام سسیمده
یئرین گؤیون دردی وار
صلحه گلین انسانلار
یوخسا دونیا محو اولار
آردینی اوخو 
گؤنده ر بؤلوم لر: کیتاب دانلودی
بابک دوستومون وبلاگینداندیر
بخشی از جهان را به قتل میرساند
اینها مرگهای کمرنگی هستند
که انسانها به اشتباه زندگی میخوانند