گئجه لر 2

بیر کسیم اولمادی ویرسین سسیمه های گئجه لر

درد الیندن منیم اولدی ایشیم آخ وای گئجه لر

روزگارین منی تئز باسدی غمین یور گونونه

هی چالیر بو یاتان بختیمه لای لای گئچه لر

اوره گیم ایستدی گولسون نچه گون باسدی دومان 

منی  گورجک باتیر اولدوزلارینان آی گئجه لر

دیدی شادلیق گتیرن بایرامینان یازدا گلیر

بیلمدی هیچگوزومون یاشی اولور چای گئجه لر

هامی بایراملیغینا گول یولاسالار بیر بیرنه

نئچه کاروا ن یوکی غم ویردی منه پای گئجه لر

منه سس گلدی قارانلیق سنی ایسترسه بوغا

طبعوون شمعنی یاندیر تا ایشق یای گئجه لر

یان سهیل باشدان ایاقه جانی جانانه یتیر

قوی اوتانسین بو قدر حقی ائدن زای گئجه لر

  ضمنا  شعر گئجه لر ۱ در آرشیو مرداد ماه ۹۱ سروده شده  دوستان میتوانند به آرشیو رفته تا بخونند

تقدیم ائدیرم : سوگی سوزلری وبلاگینا