آراز
سس وئر سسیمه نخجوانیم قالدی او تایدا
گوزیاشیمه بنزر گئجه گوندوز سن آخارسان
داغلار باشینا آینا سالان وقته باخارسان
ددلی اوره گی یاندیریب آخیرده باخارسان
دیوار آیریب شیروانیم قالدی اوتایدا
سلندی سنین تک سارانی سللر آپاردی
اللر یامان الرده اونی اللر آپاردی
آفت یلی استیکجه اونی یللر آپاردی
گنجه قره باغ ایروانیم قالدی او تایدا
بیرگون یتیشر کوجک آراز بیر لسن اولوخ
اوز هموطنلریمله قاریشب دربشن اولوخ
بیگانه آلان اولکه لره ایله شن اولوخ
نفرین سنه دشمن کی جانیم قالدی او تایدا
بوردان باجی قارداشیی گورورم کی گزیللر
نالایق حکومتده کی توپراقی بزیللر
آی گون دولانان وقته مسلمانی ازیللر
قان آختاریرام قان کی قانیم قالدی او تایدا
یاد ایله منی ساحلین آخر گول آچاندا
گولوللن او تایدا حلقه وروب کورپی سالندا
غیرتلی گوزل قارداشی آغوشه آلاندا
اوندا دیمه رم اوز وطنیم قالدی اوتایدا
سس وئر سیمه نخجوانیم قالد ی اوتایدا
مهدی