دوداغین گتیر

آجی گولوشلو!

دوداغینی گتیر

حیاتیمین دادین وئریر دوداقلارین ایندی

بوگون کول قابیلار برابر دولوبلار

اودالاریمیزدا

و آجی قهوه‌لر

آجی گولوشلوم ...

یازینین آردی

ایران وایرانی

پاسارگاد آرام گاه کورش کبیر 



فرمان دادم بدنم را بدون تابوت ومومیایی به خاک سپارند تا اجزای بدنم خاک ایران را

تشکیل دهد .

برگرفته از وب سایت : ۶۰۰

ال سانجاقی

قوش لارسسیله منده گوزل گلمیشم سسه

وارلیق ترانه سین الیمه یاغدیرام گدم

عشق آتشیله داغلانان عطشان کونوللره

باتقین بولاق لاری تزه دن چاغدرام گدم

لیلفر سایاق ساچی دولویام سرو قامته

 غم شاختاسی یولوب توکومی ورمیه یله

باغریم قوشی توش اولمیا سنگ ملامته

 ال سانجا غین تاخام تله سونرا جوما م سله

شعر :استاد صبا ( لزگی ) تسوج اولکه سینن

سنی اؤزومه اؤیره ده جیم

سنی اؤزومه اؤیره ده جیم!

قوش بالاسین

په پییه اؤیره دن کیمی

سنی ده اؤزومه اؤیره ده جیم!

سؤزونو سؤزومه.

 

دیلینی دیلیمه

سنی

آری تک شانیما

گیزلی -گیزلی آلیشان دردینی جانیما

اؤیره ده جیم!!!

گئدر ؛گلمز بو دلی گونلر بیر داها

یولوموز آیری دوشسه ده

دوشمز دیلیندن آدیم

یانیق یئری کیمی

یئریم قالاجاق اوره یینده

اؤلوب دیری له جک سن

آلاجاق آللاه سنی

تزه دن وئره جک!

اؤلوب دیری له جک سن.

شعر از : گونش

دوباره بیا

سلام

 وبلاگ ۱۲۱۹۱

 چرا ادرستو عوض کردی اگه امکانش هست برام

کامنت بذار

خان ننه ( استاد شهریار )

خان ننه

 

خان ننه ، هایاندا قالدین

بئله باشیوا دولانیم

نئجه من سنی ایتیردیم !

دا سنین تایین تاپیلماز

...

سن اؤلن گون ، عمه گلدی

منی گه تدی آیری کنده

من اوشاق ، نه آنلایایدیم ؟

باشیمی قاتیب اوشاقلار

نئچه گون من اوردا قالدیم

...

قاییدیب گلنده ، باخدیم

یئریوی ییغیشدیریبلار

نه اؤزون ، و نه یئرین وار

« هانی خان ننه م ؟ » سوروشدوم

دئدیلر کی : خان ننه نی

آپاریبلا کربلایه

کی شفاسین اوردان آلسین

سفری اوزون سفردیر

بیرایکی ایل چکر گلینجه

...

نئجه آغلارام یانیخلی

نئچه گون ائله چیغیردیم

کی سه سیم ، سینم توتولدو

...

او ، من اولماسام یانیندا

اؤزی هئچ یئره گئده نمه ز

بو سفر نولوبدو ، من سیز

اؤزو تک قویوب گئدیبدیر ؟

...

هامیدان آجیق ائده ر کن

هامییا آجیقلی باخدیم

سونرا باشلادیم کی : منده

گئدیره م اونون دالینجا

...

دئدیلر : سنین کی تئزدیر

امامین مزاری اوسته

اوشاغی آپارماق اولماز

سن اوخی ،  قرآنی تئز چیخ

سن اونی چیخینجا بلکی

گله خان ننه سفردن

...

ته له سیک روانلاماقدا

اوخویوب قرآنی چیخدیم

کی یازیم سنه : گل ایندی

داها چیخمیشام قرآنی

منه سوقت آل گلنده

آما هر کاغاذ یازاندا

آقامین گؤزو دولاردی

سنده کی گلیب چیخمادین

نئچه ایل بو اینتظارلا

گونی ، هفته نی سایاردیم

تا یاواش – یاواش گؤز آچدیم

آنلادیم کی ، سن اؤلوبسن !

...

بیله بیلمییه هنوزدا

اوره گیمده بیر ایتیک وار

گؤزوم آختارار همیشه

نه یاماندی بو ایتیکلر

...

خان ننه جانیم ، نولیدی

سنی بیرده من تاپایدیم

او آیاقلار اوسته ، بیرده

دؤشه نیب بیر آغلایایدیم

کی داها گئده نمییه یدین

...

گئجه لر یاتاندا ، سن ده

منی قوینونا آلاردین

نئجه باغریوا باساردین

قولون اوسته گاه سالاردین

...

آجی دونیانی آتارکن

ایکیمیز شیرین یاتاردیق

یوخودا ( لولی ) آتارکن

سنی من بلشدیره ردیم

گئجه لی ، سو قیزدیراردین

اؤزووی تمیزلیه ردین

گئنه ده منی اؤپه ردین

هئچ منه آجیقلامازدین

...

ساواشان منه کیم اولسون

سن منه هاوار دوراردین

منی ، سن آنام دؤیه نده

قاپیب آرادان چیخاردین

...

ائله ایستیلیک او ایسته ک

داها کیمسه ده اولورمو ؟

اوره گیم دئییر کی : یوخ – یوخ

او ده رین صفالی ایسته ک

منیم او عزیزلیغیم تک

سنیله گئدیب ، توکندی

...

خان ننه اؤزون دئییردین

کی : بهشت ده ، الله

وئره جه ک نه ایستیور سن

بو سؤزون یادیندا قالسین

منه قولینی وئریبسه ن

...

ائله بیر گونوم اولورسا

بیلیرسن نه ایستیه رم من ؟

سؤزیمه درست قولاق وئر :

( سن ایله ن اوشاخلیق عهدین )

...

خان ننه آمان ، نولیدی

بیر اوشاخلیغی تاپایدیم

بیرده من سنه چاتایدیم

سنیلن قوجاقلاشایدیم

سنیلن بیر آغلاشایدیم

یئنیدن اوشاق اولورکن

قوجاغیندا بیر یاتایدیم

ائله بیر بهشت اولورسا

داها من اؤز الله هیمدان

باشقا بیر شئی ایسته مزدیم

 

شعر: آتا شهریار

 

روحونا بیر صلوات

آخشاملار

دوشنده طره ی دلبر خیاله آخشاملار

محبت اهلی دوشر مین بلایه آخشاملار

شکسته بولبوله بنزه بلا چکن عاشق

گولوندن اوتری ائده ر آه وناله آخشاملار

دوشنده زولفون اوزه قاشلارین خیاله دوشر

باتانداگون باخار عالم هلاله آخشاملار

گونوزلر عاشقه طعنه ائتمه کی گولوب دانشیر

سالار فراقین اونوگور نه حاله آخشاملار

شرابی یارسیز ایچنده بیر آزدا غم گتیرر

گول اوزلو یاریله اول هم پیاله آخشاملار

بیر اوزگه لذتی وار عاشق ایله معشوق

رقیب سیز اولا محرم وصاله آخشاملار

 

شعر استاد : واحد

بوراخ منی

سنی سئومیرم

بوراخ جانیمی،‌ بوراخ

بو اللرین کؤلگه‌سینده یاشاماق

سئویلمک دئییل

سوواشما بئله

ایللردی تکلیک بایقوشو بانلاییر-

هر گئجه یاتاق یئریمده

دلیجه‌سینه گؤوده‌می باغیرینا باسیر

اوخشاییر بویوما...

 هی اوچور

هی قونور بال دوداقلاریما آجی اوپوشلری.

بیرر- بیرر کیرپیکلریمله چپرله‌ییرم گوزلریمی

باخیشلارینین جیزیقلاماسیندان آماندا قالسین من!

دانمیرام کی سنی، یوخ

آنجاق داشییانمیرام آغیر یوکونو

سوواشما،‌ سوواشما بئله

ایزلرین دولور حایا تیما

اومودلاریمین رنگی سولور

باشماقلاریم دا داشییانماییر ایزلرینی

گئدیر- دورور- اوتورور

یئییر ایچیمدن منی، من!

چیلدیریرام،‌

باغیشلا

چکیل اؤنومدن

نفسیم ،‌ قان  قوخویور...

 

شعر : گونش

دالغا ( موج)

دالغا"

خیرداجا،اینجه آرخ ایدیم

مئشه لردن،داغلاردان

دره لردن آخیردیم.

بیلیردیم دورغون سولار

اوز ایچینده بوغولار

بیلیردیم دریالاردا

دالغالار قوجاغیندا

خیرداجا آرخلار اوچون

یئنی حیات دوغولار!

نه یولون اوزاقلیغی

نه قارانلیق چوخورلار

نه دورغونلوق هوه سی

منی یولدان قویمادی

ایندی قاریشمیشام من

قورتولماز دالغالارا!

وارلیغیمیز چالیشماق

یوخلوغوموز دایانماق!

ترجمه ی فارسی شعر "موج"

"موج"

جویبار کوچک و ظریفی بودم.

از بیشه زارها و کوهها و دره ها جاری می گشتم!

می دانستم آب های شفاف

در دل خود خفه می کنند

می دانستم در دریاها

در دامن امواج

برای جویبارهای کوچک

حیات دوباره متولد می شود.

نه دوری راه

نه پرتگاههای تاریک

نه هوس شفاف بودن

نتوانست مرا از راهم نگه دارد

اکنون مخلوط شده ام من

با موج های بی پایان

هستی مان زحمت کشیدن

نیستی مان ایستادگی!

شعر : استاد شاعره خانوم مرضیه احمدی ( یاشیل)

 

اوجالان

اولوم چاغی چاتاندا اولن من اولاجاغام

 

اوندا بوراخین سئودییم کیمی یاشایم

 

"جیمی هندریکس"

خلقی دارتیر بو دگیرمان داشی تک داغلارینان

 

 

بیزی دارتاندا قالایدی الی بیر داش آراسیندا