تسوجون یازی

دای گل

حسرت یاش اولوب گوزللره دولماقدادی،دای گل!

گوزیاشلاری آخماقدا سئل اولماقدادی،دای گل!

هجران توری دونیانی قفس تک بورویوبدور

دنیاکیمی ،باغریمدا دارالماقدادی،دای گل!

سال داغلارا های،گؤیده بولودلار دیله گلسین

یاپراق کیمی وارلیق بویو سولماقدادی،دای گل!

هجرینده گئچن لحظه لری یانقلی سازتک

غم پنجه سی،آه زخمه سی،چالماقدادی،دای گل!

سنسیزلیگه دؤزمک نه سایاق ممکن اولارمیش

دؤزودوم،دؤزوموم جانیمی آلماقدادی،دای گل!

گل قوی گؤنشین بایداسی دنیایه جالانسین

باغریمدا قارانلیق ایزی قالماقدادی،دای گل!

آی وفاسیز

 

آ ی وفاسیز منه وعده وئرمشدین ...

 

تازا لباسیمی گئیب سنه خاطر گلمیشدیم

 

امان یالان چیخدین  گلدیم  قاپینی

 

باغلامشدین یوزومه 

 

 

 

باریشیق سئوین آی انسانلار

 

آرزوم نیتیم بودور آی ائللر

 

دونیانین اوره یی قانا دؤنمه سین

 

زمی ده سنبل لر ، باغچادا گل لر

 

بشرین چؤره یی قانا دؤنمه سین

 

قانا بولانماسین یئرین مرازی

 

هر عصرین هر ایلین نور سپن یازی

 

شاعرین شعری ، عاشیقین سازی

 

آرزوسو دیله یی قانا دؤنمه سین

 

قانا بولانماسین صبحون گولوشو

 

گؤرمویک دهشتلی ماتم گؤروشو

 

آتانین ساققالی ، آنانین کؤکسو

 

یاخاسی ، کؤینه یی قانا دؤنمه سین

 

قانا بولانماسین انسان ثروتی

 

حیاتین وارلیغی سؤزون قدرتی

 

مین مین جاوانلارین صاف محبتی

 

بویلوغو کؤینه یی قانا دؤنمه سین

 

آداخلی مین اولسون عدالتلی مین

 

داغیلسین تالانسین ائوی پیسلیغین

 

هئچ کیمسه نین هئچ کیمین

 

عمرو گله جه یی قانا دؤنمه سین

 

چیراغلاری یاندیرین

 

عرشه قالخسین توسکوسو

 

هر اوبادا هربیر ائوده

 

قاناد آچسین صلح سؤزو

 

من آنایام بو  سسیمده

 

یئرین گؤیون دردی وار

 

صولحه گلین آی انسانلار

 

یوخسا دونیا محو اولار

 سهیل دالغا

آذری غیرت

یاشاســـــــــــــــــــــــــــین

 

آذربایجــــــــــــــــــــــــــــــــــــــانیم

 

نچه استان شهرتینن تانینار

 

الینده اولان صنعتیینن تانینار

 

نجه شمال دگویوسونن تانینار

 

نجه تبریز قالی سینن تانینار

 

قوربان اولوم اوز آنامین سوتونه

 

 آذربایجان غیرتینن تانینار

 

قوجالیق عالمی

 

معنیسی بودور کی :  

 

 سنیله وارام تا سون(آخرین ) نفسیم .

 

 بیزلرده بونلاردان اورگه ناخ سوینج عالمینی

           

کوچه خاطره در چهار فصل

قیش فصلی

پاییز فصلی

یاز فصلی

یای فصلی

پاییز فصلی

 هله ده او کوچه لر ده بیر اووج اوشاقلیق  خاطره سی  یاد لانیر

بقول استاد شهریار : آغاج مینیب آت گزدیرن گونلریم

 

کوچه

گئجه آی چیخمیشیدی

منیدیم بیرده او کئچمیش کوچه لر

بیرده تامام خاطیره لر منله برابر

گینه غملر اوره ییمده قالانیردی

گینه سنلن او کئچه ن خاطیره لر یادا دوشوردو

او گؤزل خاطیره لر آیدینا گلدیکجه گؤزومده

آلیشیب اوددا یانیردیم...

دانیشیردیم آییلا ، اولدوزایله ، چایلا ، چمنله

آی او گونلر کی گزیردیک بو داریش کوچه ده سنله

آیاقیم کوچه یه چاتدیخجا اوره ک دردینی دئشدی

اوتوروب سئیر ائله دیم خاطیره لر ده

گؤز یاشیم خاطیره لر تابلوسینا باخدی تؤکولدو

سئل کیمی آخدی تؤکولدو

او گؤزل گونلریمیز یادیما دوشدو

سنی آختاردی گؤزوم پنجره لرده

سونرا ایتگین ایتیرنلر کیمی قاشدی

او زامان سن دولانان یئرله ره باخدی

آمما بوش یئرله ره باخدیخجا ساتاشدی

یئنه غم کاسه سی کؤنلومده جالاندی

یئنه کؤنلوم یارالاندی

نه گؤزل گونلریمیز سنله واریدی او صفالی کوچه ده

حئیف او سئودا ، او محبت بئله نیسگیللی قورتولدو

نئجه تئز ائشقیمیزین یاسی دوتولدو

نئجه تئز خوش گونون اؤمرو سونا گلدی

نه بیلیردیک که بوتون آرزیلار ایمکان اولا بیلمه ز

نه بیلیردیک یانان اودلار سؤنه جکمیش

حئیف اولدو ، او گؤزل خاطیره لر دوندو غم اولدو

نه گؤزل فیکرو خییالیله یاشاردیق

گله جک گونلریمیزده ن سؤز آچاندا

بوروشوردوک گولیله ، چیلا ، چمنله

آرزولارلا قاریشاردیق ، ساواشاردیق ، باریشاردیق

نه گؤزل دیر بیرینین کؤنلونو آلماق

قولونو سئوگیلینین بوینونا سالملق

سارماشیقلار کیمی شوقیله ساریشماق نه گؤزل دیر

حرده ن حرده ن اوتوروب فیکره دولاندا

او عزیز خاطیره لر یاده دوشرلر

گؤزو یاشلی یاغاجاق بارلی بولودلار کیمی دوللام

دئیه ره م حئچ گؤره سن بیر دوشه ره م یادینا منده؟؟

گول آچار سنله کئچه ن گونلریمین یادی سینمده

شوقیده ن گوللریم ایستر کی آچیلسین

آچمامیشدان ولی سوللام

نه دئییم کی منه گول وئرمه لرین

یاده دوشنده دلی اوللام

اوتوروب آغلاشارام خاطیره لرله

نئیله مک سن بئله سئودین

منده سنسیز یاشارام خاطیره لرله

من دئییردیم کی محبت گولونون رنگی سولانماز

نه بیلیردیم کی سولارمیش

نه بیلیردیم کی فلک بئیله قویارمیش

منی سن سیز سنی من سیز

خسته کؤنلوم گینه سن سیز ندجه حسرتلی سیزیلدلر

کاش بیله ردین بو سینیق سازدا نه لر وار

آمما سن حاردان بیله رسن

بیر مثل واردی دئیه رلر کی اوره ک یانسا گؤز آغلار

سنین آمما اورگین وارسادا داشداندی ، دمیرده ن دی نه داشدان

کیم گؤروب گول گؤیه ره  سولموش آغاجدان؟؟

بسله میشدیم سنه بیر شانلی محبت

کؤنلومون آیناسی آمما داشا گلدی

شوشه تک پول پول اولوب دوشدو داغیلدی

باشلادی سولماغا گول لر

بختیمین ترلانی دا اوچدو باغیمدان

کؤچه ری قوشلاریله گؤتدی قوتولدو

بیلمه دیم حاردا دوتولدو

ائله بیر اینجه کؤنول صاحیبی آنجاق کی من ایدیم

ائله بیر قاینار اوره ک کی اؤزو سیندی

سنی سیندیرماق ایچین اولمادی مئیلی

سنده سئودین قالا یالیز

قالا حسرتلی ، گیلئی لی

نه بیلیردیم بئله سئومک ده اولارمیش

نه بیلیردیم کی محبت گولونون رنگی سولارمیش

نه بیلیردیم

نه بیلیردیم

سؤزلوک : عبدالعلی آیرملو - وفا

 

تقدیم ائدیرم وبلاگ سئو گی سوزلرینه فاطمه خانیم حضورونا 

یاد ایام

باخیرام

باخیرام آی باجاسیندان باشقا بیر ماوی گویه

اوردادا وار ایله بیر گئجه یوردون قانا دونموش دنیزیندن

نئچه بیر غملی بولوت چنلی داغ قانلی سووت

گئجه دیر باخیرام آی باجاسیندان باشقا بیر ماوی گویه

سایاسایا اولدوزلاری ایتگین اولدوزومدان  سونرا خیزله یر دیم

ئیلدیرم تک چاخماقوی گوردوم آنجاق

هانچی سمته آخماقوی گورمدیم کی

وارلیغیندان اریش آرغاج کسه کسه آخیب گئدین

اورگیمه ساغالماز بیر یارا تاخیب گوزلریمدن آخیب گئدین

سن کی گئدریگییدن یولداش

باری منیم اوره گیمین زمان توزونا بورونموش قاپیسنا

اوقاپینین پاخیر باسمیش زفده سینه توخونمایدن

دئمیرم گل ایلش سوروش یولدان کئچن .