یازاجاغام (2)
یوخسولارین ایپین قیران فلانلاردان یازاجاغام
سن بولبولون چه چهیندن من بایقوشون ناله سیندن
جهالتده رونق ورن نادان لاردان یازاجاغام
بدچی لردن فالچی لردن دعا یازان اوباشلاردان
پخمه لری یولدان ائدن یالان لاردان یازاجاغام
تولکی صفت دلال لاردان رشوه ییئن ..........لاردان
زالو صفت اربابلاردان بیگ خان لاردان یازاجاغام
ایت بالاسی یین کیمی بیت المالی یین لردن
اوزون قولاق جوت ایقلی حیوانلاردان یازاجاغام
پاخیل لاردان کوناز لاردان تهمت وران دانقاز لاردان
حقیقتی آیدین گوروب دانان لاردان یازاجاغا م
ال یازلاردان ئوزنلردن چتین لیگه دوزنلردن
جبهه لرده قیزیل قانا باتان لاردان یازاجاغام
ائری اولموش گلین لردن ائوده قالمیش باجی لاردان
سنی گئچمیش سوبای قالان اوغلانلاردان یازاجاغام
غرورلاردان فرعون لاردان نفرین اولموش لوط قوموندان
چاقال لاردان کافتارلاردان قابان لاردان یازاجاغام
سن ایازدان من اسکندر سعد وقاص چنگیز خانین
یودوموزداناحق توکن آل قان لاردان یازاجاغام
شاهلار قیران انسان لاردان سایسیز ناحق اعدام لاردان
مکتب لردن سایی آرتیق زندان لاردان یازاجاغام
اروپادا ییئن لردن آفریقادا اولن لردن
آج لار ائدن یئر یوزونده طغیان لاردان یازاجاغام
پیام لاردان مرام لاردان پیرو اولان قیام لاردان
قارا گونلر آغیر ائلر زمان لاردان یازاجاغام
کئچه جکدن گله جکدن دووشلردن حمله لردن
ظفرلردن عظمت لی دوران لاردان یازاجاغام
سن کمان قاش کیپریک لردن من انگلیس آمریکادان
حقی میزی آیاقلیان آمریکادان یازاجاغام
سن حوری دان من لبنان دان فلیسطیندن آفریقادان
قره لره ظلم ایلین شیطان لاردان یازاجاغام
رهبریمین مرامیندان حق یولوندا قیامیندان
انقلابدا جاندان کئچن انسان لاردان یازاجاغام "
"نجار اوغلو"ایسته یری عدالتی یوردوموزدا
بو مقدس یولدا اولان قوربان لاردان یازاجاغام
برای کمک به هموطنان زلزله زده استان آذربایجان شرقی وارد سایت ما شوید و بر روی یکی از بنرها کلیک کنید.هموطن با غیرت توجه داشته باشید هر کلیک شما 60 تومان ارزش داره.دوست عزیز کلیک بر روی تبلیغات وقتی از شما نمی گیره خواهشن روزی یک با به این سایت بیاد و یک کلیک کنید.قطره قطره جمع کردد وانگهی دریا شود.
ستاد اینترنتی کمک به زلزله زدگان آذربایجان شرقی