باخیرام

باخیرام آی باجاسیندان باشقا بیر ماوی گویه

اوردادا وار ایله بیر گئجه یوردون قانا دونموش دنیزیندن

نئچه بیر غملی بولوت چنلی داغ قانلی سووت

گئجه دیر باخیرام آی باجاسیندان باشقا بیر ماوی گویه

سایاسایا اولدوزلاری ایتگین اولدوزومدان  سونرا خیزله یر دیم

ئیلدیرم تک چاخماقوی گوردوم آنجاق

هانچی سمته آخماقوی گورمدیم کی

وارلیغیندان اریش آرغاج کسه کسه آخیب گئدین

اورگیمه ساغالماز بیر یارا تاخیب گوزلریمدن آخیب گئدین

سن کی گئدریگییدن یولداش

باری منیم اوره گیمین زمان توزونا بورونموش قاپیسنا

اوقاپینین پاخیر باسمیش زفده سینه توخونمایدن

دئمیرم گل ایلش سوروش یولدان کئچن .

 

 

Unknown

.

گوروم شیر دنیادا پیر اولماسین

گوروم تولکو جنگلده شیر اولماسین

ستمکار خلقه امیر اولماسین

بوتون پاک اورکللر گوروم شاد اولا

مقدس آذربایجان دائم آباد اولا

دالغا دالغا

 

سیغماییر ایستـکلریم منطقلرین ارکانینا

ایسته ییر  عنوان اولوم دیوانه لر دیوانینا

سن آچان گونــدن قاپانمیش یوللاری رؤیالره

مین دیلک ایلمک له نیر هردم کونول دامانینا

هانسی یوللاردان گلیرسن گؤیده اولدوزلار گولور

چن دوشور حسرت قباسیندان باخیش میـدانینا

سن دوننلر باغــچاسیندا اکدیگیم بیر آرزوسان

گئج بئجردین دوشمدی کؤلگن گؤروش ایوانینا

دامجی-دامجی قان دامیرکن، قلبیمین پیمانه سی

دالـــغا-دالـــغا یوکســلیر میــدان وئریر طوفـانیـــــنا

قوی اؤره ک دریای عشق اولسون،بوتون وارلیق کیمی

قــــوی چئویرسین  دالغـــالار دونیـــانی قان عمــــانینا

 

یازیلمش :سحرخانیم

گئنه حسرت گئنه غم گئنه آخشام

 

دونیا یولونون بیر قارانلیق دونگه لرینده گرفتار اولموشام.

گون دونوپ نه آیدینلیق نه ایشیق

یولسوز بیر انسان

نیسگیلی اورگیمده سونسوز اضطرابلار

ازلدن غمیلع خلوت ائله میشم

گوزلریوین قاباغیندا سیندیم

اوز الیوینن سیندیم

...

 

آما سن...یانلیزلیخدا سینماغیمی گورماغادا گلمدین

یازیلمش : فرهاد سئلدا

 

 

نئینیم؟

نئینیم؟

آی آغالار، آی قاضیلار،

من بۇ درده دؤزوم، نئینیم؟

دۆشدوم غمین دریاسینا،

غواص اوْلوم اۆزوم، نئینیم؟!

دردیم اوْلوبدو زیادا،

بیر یئتن یوْخدور فریادا.

آرسیز، غملی بۇ دۆنیادا

هئچ بیلمیرم گزیم، نئینیم؟!

سهیل دۆشوبدور آزارا،

دردی یئتیب صد-هزارا.

قوْیان یوْخدور بیر مزارا،

اؤز الیمله قبریم قازیم، نئینیم؟!