آنام منیم
آنام ایله گئدیردیک قبریستانا
بیر مزار سسله دی : بیر قیز آغلاییر
یاخین گئتدیک
بیر قیز هؤنکورتویله سسله ییردی :
آنا سئوینجلریم بودارلانیب دیر
سن دئمیشکن آدینی سسله ییرم بو گون
آنا سن یوخسان
درد وار
حسرت وار
اؤلوم وار
باغریم قان
اوره ییم وولقان
گؤزلریم دومان
یادیندامی ؟
میشیل - میشیل یاشاییردیم ناغیللار ایچره
من بیر کؤرپه اوشاق ایدیم
همان اوشاغام
باغرینی دیله ییرم آنا
منی چک باغرینا
محبتیندن دولوم
یئنی دن دوغولوم
منی کیمسه تانیمیر - کیمسه ائشیتمیر
ایلک آغلاییشیمدیر
ایلک یاسیم دیر
ایلک داورانیشیمدیر
قیشقیرتیلار - چیخیرتیلار دیدیر داغیدیر بوغازیمی
بوراسی دونیانین سونو
بوراسی غربت
بوراسی سن سیزلیک
بوراسی حسرت
یاس توتوب گؤزلریمده گیله لریم
دویا بیلیرسن منی ؟
گؤره بیلیرسن ؟
ائوین تورپاق - ائشیگین قبریستان
سئویرسن ائوینی - ائشیگینی ؟
درین آجیلاریمی سنده بیتیردیم
سن ایله سندن اؤزومه یئتیردیم
ایندی - نه اولورسا اولسون
سن یوخسان
خوش گلمیر منه حایات - سئوینج
اووووووووف... قارا طالئیم
سن سیز نه ائدرم ؟
نه قالارام ؟
نه اولارام ؟
چیچک - چیچک سولورام رؤیالاریم ایچره
یالواریرام تانریا
گئری دؤنسون زامان
گئری دؤنسون خایال
گئری دؤنسون آنام
آغلادیم ایچین - ایچین
قیزین حالینا
گئریه دؤندوم
آنام یوخ ایدی
آنام یوخ ایدی
برداشته شده از وبلاگ: جمیله امام دوست
وقتی درد داره ، قیل و داد می کنه ، داد می کشه و بعد یادش می ره !
درد که همیشه درد نمی مونه
یا درمون می شه یا آدم بهش انس می گیره ...