یا حسین (ع)
شعر ترکی امام حسین ع « استاد شهریار »
یا رب منه بو لحظه دى بیر عمر ایله یارى
عشقونده سنون جان ویرورم هر ندن عارى
قان قان دی ین او خلار، یا غیرى ائیله، هوادن
اوز دوند روب او خلار منه ، منده سنه سارى
قربانوى سالما نظر مر حمتوندن
جان اوسته وارام نعمتوون شکر گذارى
گرجام بلاده ، گینه وار، باده ، خدایا
گوندر منِ عطشانه ، خمار، قویما خمارى
دنیا سو اولا ، من سوسوزى ، سالماز عطشدن
قور تارسا عطشدن منى ، وصلوندى قوتارى
وئردیم سنون عشقونده ، منه ، گلدى گمانیم
بیر باشى قالان ، عاشقوون دار و ندارى
بو باشدا ، سنو نکیدى که مندیدى امانت
ردّ ایلورم ایندى سنه آنجاق ،اونی بارى
دشمن دیدى قول بیعته قوى من دیدیم اولماز
عشقم دیدى قان قان چا غیرسان دیدیم آرى
تهدید ائلی ینلر منى مرگه نه بو لورلر
مرد آلنینى قانیله یووار، اولساغبارى
زهرا چراغى مین بیله طوفانیله سونمز
حشره کیمى وار مشعلمون نورى ، شرارى
من ایستیورم عـزّتینى دوشمنیمونده
نینیم گوروسن دشمنیمون یوخدى چیخارى
آخر نفسیمدور، گول آچوب گلشنِ جسمیم
قان ا یچره غمیم یوخ اوزه رم اول سنه سارى
روحیم قوشى چوخداندیکه قالمیشدى قفسده
بیراوخ تو خونوپ قلمبیمه سیندیردى حصارى
اوخ قلبیمى داغون ایلیوپ توکدى داغتدى
ویردى جالادى ، قانى یره ، قیردى دامارى
زهرا باغنون غنچه لرى گوللرى سولدى
تک بیر گونون عرضینده خزان اولدى بهارى
