آراز
آراز آراز آی آراز
سولطان آراز خان آراز.
سنی گؤروم یاناسان
بیل دردیمی، قان آراز
****************
آراز اوسته، بوز اوسته
کباب یانار کؤز اوسته.
قوی منی اؤلدورسونلر
دانیشدیغیم سؤز اوسته
******************
آرازی آییردیلار قومونان دویوردولار
من سندن آیریلمازدیم ظولمینان آییردیلار
***************************
آخیتدین گؤزوم یاشین
گؤروم قوروسون داشین.
سنی گؤروم یاناسان
بس نئیله‌دین یولداشین؟
سن دئییردین کی هئچ واقت،
قارا بالیق یاتمادی،
گئدیب، یولداش آختاردی،
چاققالاردان قورخمادی
**************************
من عاشیق دان بانیدی
سحرین دان بانیدی.
ایچمه رم آرازین سویون
صمدین آل قانیدی.
*****************************
آراز، سندن کیم کئچدی؟
کیم غرق اولدو، کیم کئچدی؟
صمدی سن بوغمازدین،
سؤیله باغرین کیم دئشدی
*****************************
آرازام باتمام قوما،
او گلمیشدی قوینوما،
آرخادان دوشمن ووروب،
قانین ییخدی بوینوما
****************************
صمد قاریشدی ائلینه
درمان آختاردی دردینه
آندیریردی سنه، منه
ظالیملرله وار ایشیمیز
************************
ائل یولوندا گئتدی صمد
جانین فدا ائتدی صمد
آرزیسینا یئتدی صمد
آچیلدی باغلی قولوموز
*************************
عزا گونو دؤیوش مارشین چالیریق
ظولم ائدنین یوواسینی تالیریق
قوچاقلار قانینا قانلار آلیریق
کاش گؤره‌یدی بو گونلری گؤزلرین
***************************
اولکر نور ساچیری گونشدن آرتیق
ائللر سنی سئویر یولداشدان آرتیق
سن بیزه عزیزسن قارداشدان آرتیق
سؤز قوشدوم آدینا صمد بهرنگی
**************************
داها آراز اوسته گمی گلمه‌دی،
آی اوشاقلار صمد عمی گلمه دی
**********************
آرازین آرام یئری
سیزیلدار یارام یئری
هر محنته دؤزه رم
کسیلیب چارام یئری
**************************
نارینجا باخ نارینجا
ساخلارام سارالینجا
اوقدیر اؤلمویئیدم
آرزوم یئرین آلینجا
********************
آرازام کوره بندم
بولبولم گوله بندم
دیندیرمه یین غملی یم
بیر شیرین دیله بندم
*******************
دو گل گئداق داش بولاغا
سولاری سرخوش بولاغا
بیرینی سن دئی بیرین من
توکاق قان گؤز یاش بولاغا
*********************
سبلاندا بوز باغلار
دوره سی یارپوز باغلار
گون او گون اولا قارداش
شاعر سنه سؤز باغلار
******************************
آراز آراز خان آراز
سلطان آراز خان آراز
چای - بولاغون قوروسون
منیم تکین یان آراز
**********************
هر آخان آراز اولماز
یاواسوز آواز اولماز
ائله ائل باغلییانین
یای یازی آیاز اولماز
********************
صمد گلیر گوله گوله
الینده گیزیل گوله
هر الینده دورت کیتاب
دوندریب بیزیم دیله
********************
منده گلدیم
گؤزل وبلاق واروندیر
یولون داواملی اولسون