سنی سئویرم

سنی سئومیرم

بوراخ جانیمی،‌ بوراخ

بو اللرین کؤلگه‌سینده یاشاماق

سئویلمک دئییل

سوواشما بئله

ایللردی تکلیک بایقوشو بانلاییر-

هر گئجه یاتاق یئریمده

دلیجه‌سینه گؤوده‌می باغیرینا باسیر

اوخشاییر بویوما...

 هی اوچور

هی قونور دوداقلاریما آجی اوپوشلری.

بیرر- بیرر کیرپیکلریمله چپرله‌ییرم گوزلریمی

باخیشلارینین جیزیقلاماسیندان آماندا قالسین من!

دانمیرام کی سنی، یوخ

آنجاق داشییانمیرام آغیر یوکونو

سوواشما،‌ سوواشما بئله

ایزلرین دولور حایا تیما

اومودلاریمین رنگی سولور

باشماقلاریم دا داشییانماییر ایزلرینی

گئدیر- دورور- اوتورور

یئییر ایچیمدن منی، من!!!

چکیل اؤنومدن

چیلدیرارسان

نفسیم ،‌ قان  قوخویور....

شعر(رقیه وعیدی متخلص گونش)