بهانا

بیر قوجاق باهانا

هر شئی سنله دوغولور

سنله بیتیر!

سن سؤیکندیین آغاجلار ایندیسه بارلانیر

دلی اوره‌ییمن دلی یولداشی

بو قالابالیقدا

قویما سنسیز سینسیییم!

سینیشیب‌‌دیر سنه

دیل‌ ده، ‌دوداق دا، قوجاق‌دا

بو دؤرد بوجاقدا

منی باغرینا باس!

آغاجلارین گؤوده‌سینه ساریلان

ایشیلدا قوشلاری

بیر آن امیزدیرنده بالاسینی

سئویشرکن سئومه‌یه باشلایاندا

اومودلا یاشایاندا

مرمر سینه‌سینده گیزلتدیی یانار چیراقلار

هر گئجه دیسکیندیرنده قارانلیغی

و قارانلیق ال آیاق چالیب اؤزون ایتیرنده

منی باغرینا باس سئویندیر

نور سیچراسین صاباحلار آچیلسین!

قیصیر بولودلاردان اومود ساغاق

بیزده یاشایاق

گل!

سنی گؤرمه‌یه قیزیل گول یوخ

بیر قوجاق باهانا درمیشم!

(گونش)