آراز

آی آراز!بیر دالغا وور، دریا کیمی طوفان ائله
ظالمین ییخ قصرینی،اوزباشینا ویران ائله
زوره محکوم ائلیه ییب،ایندی طبیعت بیزلری
زور دئیه ن جللادله،بیزلر آرا،دیوان ائله
بیر هجوم ائله،داغیت،شیطانلارین کاشانه سین
ییخ فساد و فتنه قصرین خاک له یکسان ائله
شوئرمه امکان بوندان آرتیق،هر شرفسیز انسانا
آز بو یولسوز کسلری، دل مولکونه سلطان ائله

یار غمی

یوخو گلمیر گوزومه یار غمین نن بو گئجه

نئجه هجرانه دوزوم تکجه دایانیم بو گئجه

گویلوم ایستیر کی نگاریم ساریلا جان و تنه

هوسیم واردور اوپم غنچه دهانین بو گئجه

کونوشام یاریمیله یار وفاداریمیله

گول دیه گول اشیده باغ و بهاریم بو گئجه

گوز تیکم گوزلرینه شانه ویرام تللرینه

یا ائدم جانیمی قوربان او نگاره بو گئجه

ال تاخام اللرینه بوسه قویام گول یوزونه

تا ائدم رفع عطش آب روانه بو گئجه

کیم دیوبدور کی اوزاخلیخ منی سن سیز لده جاخ

گوز یوموب فکریویله یانیوه گللم بو گئجه

ای خدا اتمه روا عاشقه چکسین کی جفا

ائت روا حاجتنی ائیله دواسین بو گئجه

سینار

نئجه کی شاختا کولَک بادِ باهاریله سینار باهارین قیمتی ده سئوگیلی یاریله سینار گؤزه لیم چیخسا باغا ، اؤزگه قیامت قوپاجاق قامتین گؤوسه اگر ، سرو چیناریله سینار یاشی اون دؤرد اولالی ، قوینو دؤنوب نار باغینا بللی دیرآلمالارین قیمتی ناریله سینار دئدیم آی قیز قولومو بوینونا سالسام نه اولار؟ دئدی نازیکدی بئلیم ، گؤزله فیشاریله سینار دئدیم اذن ایسته ییرم بیر اتگیندن یاپیشام دئدی یوخ یوخ ، کی گولون قیمتی خاریله سینار دئدیم عشقین اوره گیمده گول آچیب ، بار وئره جک دئدی بار وئرسه ده گؤزله ، بوتا باریله سینار دئدیم اینجیتمه « وفا» نی گؤزه لیم ، شیشه نَدیر؟ ائله نازیکدی خیالیم کی غوباریله سینار شعراز : وفای خوی

معلم گونی

ای الیمدن دوتوب یازماق اورگدن           آخار  چایلار  کیمی  روان   معلم   

یاشایشا  آچان  تازا   پنجره                     شیرین باخیشلارا قوربان معلم      

سنسن منه هر بیر زادی اورگدن

بیلمدیقیم   سوزی آسان    ایلین

دیلیمده کی کلمه لره جان ویرن

حیاتین باغینا باغبان معلم

************************

سنیین یولون انبیانین یولودور

سینه نن علم و حقیقتله دولودور

شاهلار بوتون معلملر قولودور

مدیوندور سنه انسان معلم

*************************

سنسن منی جهالتدن  قورتاران

سنسن منه اوز آتامدان مهربان

افتخار ایلرم سنه  هر  زامان

ای آیدین زحمتی  پنهان معلم

*****************

یاددان چیخمیاجاق سنون  خدمتین

یاشاییش دیر منه شیرین    صحبتین

گون به گون آرتیرسین  تانری عزتین

محبت مولکونه سلطان معلم

******************************

بو گونی تامام هوجا لاریما واوره دن لره تبریک عرض ائدیرم

گئتمه...

گئتمه...
گئتمه بو آخشام...
ماهنی سؤزلری سؤیله منه،
توت قوللاریمدان محکم جه...
گئتمه..

ساریل منه...
تئلیم ده قال،
گئتمه بو آخشام...
 گئتمه..

یوللار آغلار گئدیشینه...
بوشونا ایدی می ایللر دوام ائدن چیرپینیشلار...؟
توت اللریمدن محکم جه...
گئتمه..

داها بیتمه دی سون قدح...
داها سؤیلنمه دی سون سؤز،
نفسیندن بیر نفس وئر منه...
گئتمه..

دوداغلاریمدا قال...
گئتمه بو آخشام،
اولدوزوموز چیخمادی هله...
گئتمه..

آی هله اوزه ریمیزده دیر...
گؤز یاشی اولماسین یاغیشلار،
باخ گؤزلریمه دریندن...
گئتمه..

باخیشلاریمدا قال...
گئتمه بو آخشام،
گئت سن، سؤنه جک ایچیمده کی آلوو...
گئتمه..

اوشوده جک یوخلوقون..
اوشویه جک اللریم،اووجلاریمدا قال...
گئتمه بو آخشام...
گئتمه..

هر زامان منیم له قال...
بیتمه سین بو سئوگیمیز،ده یرلی حیسّلریمیز،
ایللردیر سون سوز اولان سئوگیمیز...
گئتمه..

بوراخما منی...
گئتمه بو آخشام،
اوره ییمده قال...
گئتمه..

سهیل داهادا سن سیز لییب

سیندیرما بو قراری گئتمه

گئتمه....

خان چوپان

خان چوبان چال نئیی یای داغ داشا ائللر سوزونو

سارالارحسرتینی دالغالی سئللرسوزونو

چال عاشیق سن ائلیمین سینه ده کی نیسگیلی سن

سویله سین زخمه له نن سازداکی تئللر سوزونو

ائلیمین وارلیغی تاریخ بویو پارلاق گورونور

یاداسالدیقجاحقیقت ایته ن ایللرسوزونو

ظولمه قارشی دایانان سرداری آلقیشلایاراق

اونودولماز دئیه ازبرله دی دیللرسوزونو

ایمه باش اوزگه یه ائل دردینی گل سویله "ووقار"

قوی اورکلرده یاشاتسین بو نسیللر سوزونو

 

تقدیم ائدیرم : خان چوپانا

                                                              

آنالار گونی

آنا جان دنیانین آغریسین غمین

مادرم درد و غم دنیا را

بوزار میش ساچوندا عیان گؤرموشم

در زلفهای سپید تو دیده ام

سویوق آه چکنده ، اورکدن درین

وقتی از ته دل آه سردی می کشی

دونیانی چولقایا طوفان گؤرموشم

در دونیا طوفانی عظیم دیده ام

دئییرم گوره سن هانکی طالعین

میگم در کدوم خانه بخت

شومچا قایداسینین اوسته دوغولدون

خانه نئس به دنیا اومدی

یانیرام گؤره نده ، بو کولوب بئلین

میسوزم وقتی می بینم ، کمرت خم شده

آغ بیر گؤیرچین ، تک چنده بوغولدون

مثل کفتری سفید در تنهایی خفه شدی

اوزیون قیر یشی ،زاماندان دئییل

آن چروک داشتن روی تو از زمانه نیست

آجی فلاکتدن، نشاندیر آنا

از فلاکت سخت و تلخ ، نشان است مادر

گؤزیون تور چکن ،چم دومان دئییل

آنی که به چشم تو تور کشید ابرها (مه )نیست

آغلاما غدان گلن زیاندیر آنا

از گریه کردن این ضرر به تورسیده است

ایندیکی آنالار گونی چاتیبدیر

الان که روز مادر رسیده

سنه جان تحفه سی وئر سمده آزدیر

به شما جانم را اگه هدیه بدم باز هم کم هست

قات قات اورگونده آرزی یاتیبدیر

در لایه لایه ی دلت آزرو هایی خوابیده

سینه ن ساوالاندیر ، گؤزون آرازدیر

سینه تو مثل ساوالانهست ،چشمت مثل آراز

چوروتدون عمریوی بیز لرین اوسته

عمر ت را بخاطر ما تباه کردی

مهربان گؤزیوه ، قوربانام آنا

قربانم به چشمهای مهربانت مادر

سنه غلام اوللام اؤزوم پیوسته

به تو غلام میشم همیشه

مین یول باش ایره م ، سن تک انسانا

هزاران بار سرم را خم می کنم برای انسانهای مثل تو

ناقابیل تحفه می ، قبول ائیله سن

تحفه نا قابلم را قبول کن مادر

قاریشقانین شاها نه یی وار وئره

مورچه چه دارد که به شاه هدیه دهد

ایسته سون گؤزومی ، هدیه وئریم من

اگه چشمهایم را بخوای هدیه میدهم

اوگول قدملرین ،التدا سریئره می افتم زیر قدمهایت

سنین قانادینلا ، اوچور «اولادین»
با پر های تو پر می کشد«اولادین»

سنسیز بو دونیا دا ثروتی یوخدور
بدون تو دنیا ثروتی نداره

سنسیز بیر یتیمدیر آنا سوراغلی
بدون تو یتیم است سراغ مادر را گرفتن

آنا سیندان بؤیوک نعمتی یوخدور
نعمتی بزرگتر از مادر نیست
تقدیم به مادران بهشتی

تامام  آنالار ساغلیغینا

گوزوم یولدا

هر گئدن گلمیش منیم او غم ویصالیم گلمه میش

 

آخ گوزوم قان آغلاکی چشم خوماریم گلمه میش

 

قورتولوب دای  ایختیاریم منده یوخدور ذره سی

 

چون کی سئوگیم گلمه میش هم ایختیاریم گلمه میش

 

گر بو دردیله من اولسم توپراق آلتدا  قویمایون

 

اوستومه او نازلی دلبر  لیلی نیگاریم گلمه میش

 

دئمه سین سهیل عجل کی گلسه مندن جان آلیر

کیمدیر اونا جان وئرن فرمانی یاریم گلمه میش

 

بودا منیم ماجرام

قولاق آسین جماعت – من دانیشیم نهایت

بو محبت عالمی – چوخسونا وئرمیش غمی

منده عذاب چکمیشه م – چوخ اضطراب چکمیشه م

کیم گلیبدی خوشوما – نه ایش گلیب باشیما

یاش دولا – دولا گؤزلره – دانیشیرام سیزلره

او بفاسیزدان سورا – دوشمنه گؤجوم گورا

سئومییه جه م سؤیله دیم – تنها عمور ائیله دیم

کئچدی خیلی زامانلار – اؤتدی بیر نئچه آنلار

بیر قیز گؤردو گؤزلریم – یاددان چیخدی سؤزلریم

بو قیز عجب دیر عجب - سئو منی ائیلیب طلب

دئدیم چاتار کو مکیمه – تسلی دیر اوره گیمه

دوشدوم اونون دالینجا – اوندان بیر سؤز آلینجا

لاپ اوره گیم پارتلادی – سانکی باغریم چاتلادی

هر او درسه گئده نده – گئتدیم اونونلا منده

چوخ ائیله دیم آندا مان – آخیرکی بیر زامان

چیخاردیب اینجه سه سین – سؤیله دی اؤز کلمه سین

باخما منیم یاشیما – چوخ ایش گلیب باشیما

خیلی عمور سورموشه م – چوخ حاق سیزلیق گؤرموشه م

ایندی ایسه بیر اینسانا – تانیمادیغیم اوغلانا

نئجه سئویرم سؤیلویوم– من اعتیبار ائیلییم

اؤزون فیکیرله ش گینه – منی باشا دوش گینه

سؤیله دی اؤز سؤزلرین – سوزدوره جه ک گؤزلرین

دئدی بو قه ده ر والسلام – یولونا ائیله دی دوام

دونوب یئریمده قالدیم – بیرآز خیالا قالدیم

دوشوندوم کی دوز دئییر – چوخ عاغیللی سؤز دئییر

داها دالیجا گئتمه ییم – چوخ اونو اینجیتمه ییم

هاچانسا اؤز قیسمتیم – حقیقی محبتیم

چیخار منیم قاباغیما – جواب وئره ر سوراغیما

اوندان سورا هر گئجه – بیلمیردیم یاتیم نئجه

او جانانین خیالی – اونون حسن و جمالی

گؤزومده یدی هر ساعات – منی قویموردو راحات

دؤزمویوب بیر گون سحر – دوروب آیاغا بیر ته هر

گؤروشونه گئدیم گئنه – دئییم وورغونام سنه

گؤردوم گلیر اوزاقدان – گئتدیم الدن آیاقدان

آز قالمیشیدی چاشیم – ایسته دیم یاخینلاشیم

یاخینلاشدی اؤزو منه – دئدی بئله بیر سؤزو منه

گؤروره م کی وورولموسان – اؤرووی عشقه سالمیسان

ال چکمیرسه ن سن مندن – شرطیم بوجوردو سن ده ن

یالقیز دوست اولاق گه ره ک – بئله ائده بیلله م کومک

ایسییرسه ن هه دئنه ن – دوشون قرار وئرگینه ن

ایسته میرسن الوداع – گئت کومک اولسون خدا

آخی نه ایدی علاجیم – واریدی احتیاجیم

آخی نه ایدی علاجیم – واریدی احتیاجیم

خیلی خیال دولاشدیم – آخردا راضی لاشدیم

بو دوسلوق مهربانلیق – منی ده ییشدی بیر آنلیق

سونرالار حیاتیمی – غملی احوالاتیمی

دانیشدیم او جانانا – اودا دانیشدی یانا – یانا

دئدی سوگی محبت – وئرمییب منه ذیللت

سئویب سئویلمه دیم من – عشق نه دی بیلمه دیم من

اما بختی قارایام – سن دنده بیچارایام

سوروشدوم دردین نه دی – بوجور جواب سؤیله دی

آند وئریره م من سنه – وارسا حرمتین منه

مندن هئچ نه سوروشما – داها بو حاقدا دانیشما

سون قویاق بو صحبته – سالما منی زحمته

بو سؤزلری ائشیتدیم – من ائله بوجورده ائتدیم

بو باره ده بیر دنه – سؤوال وئرمه دیم گئنه

هر گئجه زنگ له شیردیک – داریخدیق گؤروشوردوک

لذتینی حیاتین – بو فانی کائناتین

حیس ائدیردیک گؤروردوک – گؤزل عمور سوروردک

گلدی ائله بیر مقام – دئیشدی هر شئی تمام

بیر زامان آخشام چاغی – اوره گیمه چکدی داغی

گؤردوم هر شئین سونون – زنگی گلدی تلفونون

دوشوندوم جانانیم دی – همان گؤزل خانیم دی

دسته یی تئز گؤتوردوم – بیردن اؤزومو ایتیردیم

سه س اؤزگه نین سه سیدی – اونون رفیقه سیدی

گؤرون نه لر دانیشدی – یاندی قلبیم آلیشدی

او سن سئوه ن جانانین – درد بوروموشدو جانین

خسته ایدی اوره گی – هئچ یوخویدو کومکی

حکیم قویدوغو مدت – دونه ن یئتیردی البت

گئجه یاتیبدیر سحر – آییلمییب مختصر

اما سنی چوخ سئویردی – اؤله جه گین ده بیلیردی

آپاردی اونو اجل – سنی سئون او گؤزل

آرتیق یوخدو حیاتدا – ساخلا سن بونو یاددا

اول جه اینانمادیم – اونو دوغرو سانمادیم

سونرا ایسه سؤیله دی – ساباح اونون دفنی دی

اگر گلمه ک ایسته سن – دوزونو بیلمه ک ایسته سن

ساباح ایکی تامامدا – من دییه ن بو مقامدا

گلرسن بو عنوانا – اورداکی قبریستانا

سئوگیلین آغ کفنیله – کوچه جه ک سون منزیله

گئجه نی یاتا بیلمه دیم – آخی نییه من اؤلمه دیم

او اؤلدو گئتدی الله – گؤزومدن ایتدی الله

سحر آچیلان زاماندا –او قیز دییه ن مکاندا

عاجز – عاجز دایاندیم – گؤردوم سونرا ایناندیم

جماعت آغلاشیردی – آدامین عاغلی شاشیردی

دفین مراسیمیدی – قبیره گئدن کیمیدی

منیم عمورم حیاتیم – جانیم معنویاتیم

گئتدی منی ده آپاردی – ائله کی دفن قورتاردی

داغیلیشدی گئتدی هامی – او اینسان ایزدی هامی

تنها قالدیم او یئرده – درده غمده کدر ده

قبری اوسته دیز چؤکوب– قانلی گؤز یاشی تؤکوب

وداع لاشدیم یاریملا – گؤزل وفاداریملا

اؤلوم امان سیز اولدو – واخ سیز زامان سیز اولدو

الیمدن سنی آلدی – او گونلر هاردا قالدی

هر آن شادیمانیدی – عجب مهربانیدی

بیر واخ الیمدن توتان – ایندی سه ساکت یاتان

ای گؤزلیم الوداع – یوخدو سن دن سه س صدا

هر کمیه اولسا عاشیق – بئچارادی بو عاشق

آنلین یازینی گؤردو – یاشادی بیر آزدا گؤردو

آرتیق اوره کده یارام – بودا منیم ماجرام

 

اگر دوستان خواستند ترجمه فارسی اش را هم پست میکنم با کامنتهایتان یاری کنید

حبیبیم

حبیبیم :

 

سن سن اولسیدون منه غم همدم اولمازدی

کتاب عشقه باخسیدون منه لطفون کم اولمازدی

 

اطبالر مریض اوسته گرک کی مهربان اولسون

مریض عشقیوم  جانا منه چوخ پیسدی رفتارون

گلرسن بیر گون آی گول  ، گوررسن یوخ اثر مندن

دئیه للر دای قئییت چیخ گئت ، الوبدور اول وفادارون

 یازیلان : سهیل